Vrau në banesë 51-vjeçarin në Shkodër, lihet në burg Lekë Vuksani

Është vendosur masa e sigurisë ‘arrest me burg’ për Lekë Vuksanin, i cili vrau me armë zjarri në banesë Petrit Vuksanin në Shkodër.

Burime për Euronews Albania, bëjnë me dije se në seancën gjyqësore  se 34-vjeçari nuk ka folur, por ka preferuar të flasë pala mbrojtëse.

Avokati i tij Vladimir Ladaj ka kërkuar nga gjykata vlerësimin psikologjik të 34-vjeçarit dhe caktimim e masës së sigurisë ‘arrest me burg’ me afat.

Kërkesa e mbrojtjes është refuzuar nga Gjykata e cila ka miratuar kërkesën e prokurorit të çështjes Vat Stakaj, caktimin e masës së sigurisë arrest me burg për veprën penale, vrasje me paramendim.

Ngjarja ndodhi mesditën e djeshme rreth orës 12:15 pas një konflikti për qiranë e banesës në pronësi të viktimës. 51-vjeçari Petrit Vuksani i kërkoi qiraxhiut të tij qiranë e banesës ku jetonte, kjo mesa duket ka nxitur konfliktin mes tyre dhe më pas ka përshkallëzuar deri në përdorimin e armës së zjarrit automatik nga 34-vjeçari. Në momentet e fundit të jetës së tij, Petrit Vuksani ndodhej në shtëpinë e tij dhe sapo ishte kthyer nga Anglia ndërsa vajzat e tij banojnë në Itali.

Policia e Shkodrës dhe forcat speciale RENEA gjetën dhe sekuestruan edhe armën e përdorur nga autori.

LEXONI GJITHASHTU: 

• Vrasja e Vuksanit në banesë, ish-zyrtari i policisë: As hasmi nuk të vret në shtëpi
• U vra nga kushëriri, zbardhet vrasja në Shkodër: E qëlloi se i kërkoi lekët e qirasë