Vrau tre persona në Tiranë/ Gjykata e Lartë lë në burg përjetë ‘killerin’ italian

Gjykata e Lartë lë në fuqi dënimin me burg përjetë për “killerin” italian me pagesë, Salvatore Letizia.

Në dhomë këshillimi është lënë në fuqi vendimi i ish-gjykatës së apelit për krime të rënda në vitin 2019, për ngjarjen e njohur si ‘masakra’ në bulevardin “Zogu i I” .

Ngjarja ndodhi në 27 maj 2015, ditën kur presidenti serb, Aleksandar Vuçiç vizitoi Tiranën. Në një atentat pranë Fakultetit të Shkencave të Natyrës, u vranë Besnik Sulku, Mentor Lufi (Doçi) dhe Gert Goxhaj. Si autorë u arrestuan italiani  Salvatore Letizzia dhe dy vëllezërit Markeljan dhe Klevis Doçi.

Edhe për këta të fundit Gjykata e Lartë ka lënë në fuqi dënimin me 27 dhe 20 vite burg. Salvatore Letizzia, nga Napoli, i cilësuar vrasës me pagesë njihet edhe si pjesë e organizatës mafioze italiane, “Camorra”.

Letizia ishte punësuar nga Besnik Sulku për të ekzekutuar Mentor Doçin, të cilin e akuzonte si përgjegjës për vrasjen e të vëllait, Durim Sulku, në Holandë. Mentor Doçi shoqërohej nga dy nipërit e tij, vëllezërit Markeljan dhe Klevis Doçi. Pikërisht këta dy të fundit ekzekutuan Besnik Sulkun, organizatorin e atentatit, i cili shoqërohej nga killeri i “Camorras” në këtë ngjarje. Viktimë e atentatit mbeti edhe miku i Mentor Lufit, Gert Goxhaj.

LEXONI GJITHASHTU: 

• Revoltohet aktivistja Sanxhaku: Gratë quhen imorale nga shoqëria jonë patriarkale
• Kjo është infermierja shqiptare që shkon me mision në Amerikë