Mbrëmjen e djeshme, një përplasje me armë zjarri ka ndodhur në Shkup, ku 29-vjeçari Amar Ismani mbeti i vrarë, ndërsa dy persona të tjerë u plagosën.
Sipas mediave maqedonase, ngjarja ka ndodhur në rrugën “Bul.Nikolla Karev” dhe 29-vjeçari që mbeti viktimë është këngëtar dhe bloger i njohur në vendin fqinj.
Në konflikt mësohet se janë përfshirë disa persona, por ende nuk dihen motivet e kësaj ngjarjeje të rëndë.
“Në ora 23:45 më spitalin e qytetit në Shkup ‘Sh.Naum Ohridski’ është sjellë qytetari i plagosur T.A (24-vjeçar) nga Shkupi. Disa minuta më vonë në kompleksin e klinikave ‘Nënë Tereza’ të plagosur janë dërguar dy persona, O.B (19- vjeçar) dhe A.I (29-vjeçar), që të dy nga Shkupi. Disa minuta pas dhënies së ndihmës së parë, A.I ka ndërruar jetë”, thuhet në njoftimin e Ministrisë së Brendshme.
Ismani ishte fejuar pak ditë para se të ndodhte ngjarja dhe përmes postimeve në rrjetet sociale, tregonte momentet e lumtura që po kalonte me të dashurën e tij.
LEXONI GJITHASHTU:
- E rëndë në Lushnjë| 82-vjeçari plagos me armë gjahu vajzën e tij e më pas vetëvritet
- Vritet 40-vjeçarja shqiptare në Greqi, më parë kishte denoncuar partnerin për dhunë
