Udhëheqësi i separatistëve pro-rusë në Ukrainën lindore konfirmoi vdekjen e një gjenerali rus në atë rajon, të martën.

Në një mesazh të postuar në Telegram, Denis Pushilin shkroi “ngushëllime të sinqerta për familjen dhe miqtë e gjeneralit Roman Kutuzov i cili ishte një shembull se si i shërbehet atdheut”.

Vdekja e gjeneralit Kutuzov u raportua të dielën nga korrespondenti rus i luftës Alexander Sladkov, por nuk ishte konfirmuar më parë nga burime zyrtare.

Njoftimi për vdekjen e Kutuzov vjen në kohën kur forcat ruse dhe aleatët e tyre separatistë vazhdojnë sulmet në rajonin e Donbasit, me luftime të ashpra brenda dhe rreth qytetit Sievierodonetsk.

LEXONI GJITHASHTU:

• ‘I urrej, do bëj gjithçka për t’i zhdukur”, deklarata e ish-presidentit rus
• Rusia vendos sanksione ndaj 61 zyrtarëve të SHBA-së