Mungesa e rrugëve apo infrastruktura e keqe, janë një problem shqetësues pothuajse në shumicën e fshatrave të thellë në qarkun e Beratit. Kjo problematikë prek edhe më shumë personat me aftësi të kufizuara, të cilët për shkak të gropave në rrugë apo dhe baltës nuk mund të lëvizin me karrocë.

Shahin Tafa nga fshati Sarasel, disa kilometra larg ish-komunës së Lumasit, prej disa vitesh i paralizuar, na rrëfen se ka më shume se tre vite që nuk del nga dera e banesës për shkak të rrugës tej mase të dëmtuar. Ai e ka të pamudur të lëvizë me karrocë në një rrugë ku dhe automjetet e kanë të vështirë të qarkullojnë.

“Ça kushtesh kam unë? Shiko rruga si është, unë kam tre vjet s’kam dal dot në rrugë sepse është baltë e madhe”- deklaroi Tafa.

Saraseli, fshati ku jeton Shahini nuk ka qëndër shëndetësore ku ai të vizitohet dhe të marrë mjekimet e nevojshme. Kur është sëmurë, ai ndiqet nga infermieri i Lumasit, i cili e viziton shpesh për të parë gjendjen e tij shëndetësore.

Shahini jeton vetëm me djalin e tij, pasi bashkëshortja dhe vajza i kanë ndërruar jetë pak kohë më parë. Ata jetojnë me të ardhurat e përfituara nga kempi.

“Për të ardhura mos e pyet! Jo e vlla jo ka raste bie dhe pa ngrënë kush do më gatuaj, ai s’di. Të dy, djali dhe unë marrim 120 mijë lekë  nga kempi”, tha ai.

Sikurse Shahini jane me dhjetëra të sëmurë të tjerë nëpër fshatrat e thellë të Beratit, që jetojnë në kushte të vështira, ndërsa i mungon gjithashtu kujdesi shëndetësor.

LEXONI GJITHASHTU:

• “Ku ta gjejmë të na zërë tërmeti poshtë”- Familja që jeton në varfëri ekstreme
• Turistja kroate bie në terrenin e thepisur në “Majën e Jezercës”, gjendet e vdekur
• Vuajtjet e Shahinit me aftësi të kufizuar: 3 vjet pa dalë nga banesa, shkak rruga