Vuçiç: Ambasadori rus më informoi për arsyet e anulimit të vizitës së Lavrovit

Presidenti i Serbisë Aleksandar Vuçiç është takuar me ambasadorin e Federatës Ruse, Aleksandar Bocan-Kharchenko, i cili e ka njoftuar për arsyet që pamundësuan mbërritjen e Ministrit të Jashëm rus, Sergei Lavrov, në Beograd.

“Ambasadori i Federatës Ruse Bocan-Kharchenko më informoi për arsyet që e penguan ardhjen e ministrit Lavrov në Beograd, dhe solli dokumente që e mbështesin këtë”, bëri me dije Vuçiç.

 

View this post on Instagram

 

A post shared by Aleksandar Vučić (@buducnostsrbijeav)

Pas takimit, është lëshuar një komunikatë për mediat ku thuhet se Boçan-Kharçenko ka deklaruar se kreu i diplomacisë ruse është penguar të vijë në Beograd për shkak se avioni i qeverisë ruse nuk ka marrë lejet e nevojshme për të fluturuar në itinerarin për në Beograd.

Vuçiç ka shprehur pakënaqësinë për rrethanat që kanë penguar ardhjen e ministrit të Jashtëm rus Lavrov.

Ai tha se, pavarësisht gjithçkaje, Serbia do të ruajë pavarësinë dhe autonominë e saj në vendimmarrjen politike, do të vazhdojë rrugën evropiane duke ushqyer marrëdhëniet tradicionale miqësore dhe partneriteti me vendet e të gjitha kontinenteve, dhe duke ruajtur neutralitetin ushtarak.

Ishte planifikuar që Ministri i Jashtëm rus, Sergei Lavrov të mbërrinte këtë të hënë në Beograd, ku do të zhvillonte një vizitë dy ditore, por ai e anuloi vizitën.

LEXONI GJITHASHTU

• Ministria e Jashtme e RMV-së tregon pse u mbyll hapësira ajrore për Lavrov
• Lavrov anulon vizitën në Serbi, tre shtete ballkanike mbyllën hapësirën ajrore