Nefail Maliqi, gazetar dhe shqiptari i Luginës së Preshevës tha në një intervistë për Euronews Albania se protesta e madhe e studentëve ditën e sotme në Beograd do sjellë fundin e presidentit serb Aleksandër Vuçiç.
Ai u shpreh se sot në Beograd pritet të ndodhë gjithçka, që nga konfrontimet fizike, gjakderdhja apo grushti i shtetit.
“Sot mund të pritet gjithçka në Serbi, por jo paqe; mund të ketë konfrontime fizike, gjakderdhje, grusht shteti. Kriza politike në Serbi ka arritur pikën e vlimit, protesta sotme në Beograd po konsiderohet si dita D. Protesta e madhe e studentëve ka nisur me mbledhjen e protestuesve nga të katër anët e Serbisë përkundër presioneve të Vuçiç edhe me anë të ushtrisë…Vuçiç i ka orët e numëruara. Ai mund të përdorë sot grupin e Banjskës, mes tyre mund të jetë i maskuar edhe Radoiçiç i kërkuar nga Interpol, apo mercenarë rusë”, tha ai.
LEXONI GJITHASHTU:
- Ministria e Brendshme e Serbisë: 31.000 persona pritën studentët në Beograd
- BE bën thirrje për uljen e tensioneve para protestës së 15 marsit në Beograd