Vuçiç: I kërkova ambasadorëve të ndalojnë Kurtin të shkojë drejt një lufte tjetër

Presidenti i Serbisë Aleksandër Vuçiç ka zbardhur detaje nga takimi që pati dje me ambasadorët e QUINT-it.

Përmes një postimi në Instagram, Vuçiç shkruan se i kërkoi përfaqësuesve të Shteteve të Bashkuara të Amerikës, Britanisë së Madhe, Francës, Italisë dhe Gjermanisë, si dhe shefit të delegacionit të BE-së, që të bëjnë gjithçka për të ndaluar kryeministrin Kurti që të shkojë drejt një lufte tjetër në Ballkan.

“Kam folur me përfaqësues të BE-së dhe të Quintit. U kërkova që të bëjnë gjithçka në fuqinë e tyre për të penguar Kurtin të nisë një luftë tjetër në Ballkan”, shkruan Vuçiç.