Vuçiç iu drejtohet serbëve: Pse nuk firmosa në Ohër

Presidenti i Serbisë, Aleksandër Vuçiç, një ditë pas dialogut ndërmjet Beogradit dhe Prishtinës në Ohër, iu drejtua publikut serb dhe lexoi përmbajtjen e Apelit për zbatimin e marrëveshjes për rrugën drejt normalizimit të marrëdhënieve mes Kosovës dhe Serbisë.

Vuçiç theksoi se Serbia është e gatshme të bashkëpunojë deri në vijat e kuqe, por se nuk ka nënshkruar asgjë, shkruan Euronews Serbia.

“Dje patëm një raund dialogu që fuqitë evropiane dhe botërore e bënë shumë të spikatur dhe të rëndësishëm në media. Bisedimet, natyrisht, nuk janë kurrë të lehta dhe të thjeshta kur bëhet fjalë për palët që fatkeqësisht janë ende kundër dhe shpesh kanë interesa konfliktuale”, tha Vuçiç.

Ai theksoi se Serbia nuk varet më vetëm nga vullneti i mirë i Prishtinës, ndërsa nënvijëzoi se vijat e kuqe janë “kundërshtimi i njohjes së Kosovës si shtet i pavarur dhe anëtarësimi i Kosovës në OKB”.

“Nuk kam nënshkruar sepse Serbia është një vend i njohur ndërkombëtarisht dhe Kosova nuk është për mua. Dhe nuk dua të bëj marrëveshje juridike ndërkombëtare me Republikën e Kosovës”, u shpreh Vuçiç.

LEXONI GJITHASHTU:

• Zbardhet aneksi i zbatimit të marrëveshjes Kosovë-Serbi
• Kurti: Pajtimi për aneksin e zbatimit të marrëveshjes, njohje de-facto e Kosovës