Vuçiç kërcënon Kosovën dhe Malin e Zi për mosmbajtjen e zgjedhjeve

Sot në Serbi mblidhet Këshilli i Sigurisë Kombëtare ku pritet të diskutohet për luftën në Ukrainë, krizën ekonomike dhe për ngjarjet në Kosovë, lidhur me zgjedhjet e Serbisë që mbahen më 3 prill.

Presidenti serb Aleksandar Vuçiç tha se Prishtina dhe Podgorica do të marrin “përgjigje nga Beogradi për ndalimin e votimit në zgjedhje”.

Kryeministri i Kosovës Albin Kurti deklaroi se për lejimin e mbajtjes së këtyre zgjedhjeve në Kosovë, duhet një marrëveshje e posaçme me Serbinë.

Vuçiç mbrëmë është takuar edhe me patriarkun e Kishës Ortodokse Serbe, Porfirio. Presidenti e njoftoi patriarkun për vendimet e fundit të lidershipit të Prishtinës, situatën në rajon, si dhe sfidat me të cilat po përballet Serbia në dritën e ngjarjeve në Ukrainë, raporton Euronews Serbia.

Anëtarët e Këshillit të Sigurisë së Serbisë janë presidenti i Republikës, kryeministri, ministrat e Mbrojtjes, të Brendshëm dhe të Drejtësisë, shefi i Shtabit të Përgjithshëm të Ushtrisë së Serbisë dhe drejtorët e shërbimeve të sigurisë.

LEXONI GJITHASHTU: 

• Mali i Zi refuzon hapjen e qendrave të votimit për zgjedhjet e Serbisë

• Kurti: Duhet marrëveshje për mbajtjen e zgjedhjeve të Serbisë në Kosovë