Presidenti serb, Aleksandër Vuçiç deklaroi se Serbia nuk dëshiron njohje reciproke me Kosovën.

Deklaratën, Vuçiç e dha këtë të mërkurë në një deklaratë para gazetarëve, gjatë një eventi në Beograd.

Vuçiç u shpreh se njohja reciproke është një dëshirë e Bashkimit Europian dhe shtoi se Serbia mund të ketë mendimin e saj në lidhje me këtë çështje, shkruan N1.

“Njohja reciproke është dëshira e tyre, ne nuk e duam këtë dhe secili le të bëjë punën e vetë. Ata janë të rëndësishëm, ne nuk jemi, por mund të kemi mendim, mundemi”, tha presidenti Vuçiç, duke shtuar se drejtësia, morali dhe e vërteta janë në anën e Serbisë.

Deklarata e Vuçiç erdhi si reagim ndaj raportit të Parlamentit Evropian për Serbinë, ku për herë të parë shkruhet se marrëveshja përfundimtare ndërmjet dy vendeve duhet të bazohet në njohjen reciproke.

LEXONI GJITHASHTU

• Presidenti i KE-së në Kosovë: Koha për të bërë progres në dialogun me Serbinë
• Marrëveshja Kosovë-Serbi të bazohet në njohjen reciproke, thotë raporti i PE