Vuçiç: Prishtina dhe një pjesë e ndërkombëtarëve duan të dëbojnë serbët nga Veriu

Presidenti i Serbisë, Aleksandër Vuçiç ka akuzuar autoritetet në Prishtinë dhe një pjesë të bashkësisë ndërkombëtare se kanë për qëllim dëbimin e serbëve nga veriu i Kosovës.

Sipas tij, kjo është mënyra e vetme për ta për të zgjidhur problemet në Kosovë, shkruan N1.

Pas bisedës me Patriarkun Porfiri, Vuçiç tha se kreun e Kishës Ortodokse Serbe e ka njoftuar për gjendjen e përgjithshme në Kosovë, si në aspektin politik ashtu edhe në atë të sigurisë.

“Mjaftoi të shikoja komunikatën për shtyp, sepse gjithë ditën njoftuan se do ta dënonin ashpër dhe më pas e dënuan aq ashpër sa më erdhi turp ta lexoja. Doli që ne jemi serbë me gjak, se kemi KPS dhe se patriarku ka dashur të shkojë në Patriarkanën e Pejës”, theksoi ai.

Ndërsa, më herët, ministri i Brendshëm i Kosovës, Xhelal Sveçla i cilësoi si të pavërteta deklarimet se Kosova ka ngritur gjendjen e gatishmërisë ushtarake, duke akuzuar Serbinë se ka për synim “destabilizimin dhe luftën”.

LEXONI GJITHASHTU

• Sveçla mohon se Kosova ka ngritur gjendjen e gatishmërisë ushtarake
• Serbia injoron thirrjet e NATO-s, të tjera barrikada në veri të Kosovës
• Serbia urdhëron ‘gatishmërinë luftarake’ në kufi me Kosovën, deklarata e Vuçiç