Vuçiç me ambasadorët e Quint-it: Pse EULEX u refuzua për të marrë pjesë në operacion

Presidenti i Serbisë, Aleksandër Vuçiç, ka zhvilluar këtë të martë një takim me përfaqësuesit e vendeve të Quintit.

Përmes një postimi në Instagram, Vuçiç, ka bërë me dije se në fokus të bisedës ka qenë situata e krijuar në Kosovë.

Ai shton se kërkoi nga ambasadorët e vendeve të Quintit që për sigurinë në Veriun e Kosovës të kujdeset EULEX dhe jo policia e Kosovës. Gjithashtu në takim ai bën me dije se shtroi pyetjen pse EULEX-i u refuzua nga policia e Kosovës për të marrë pjesë në operacionin në Basnjkë.

“Përsërita qëndrimin e Serbisë për ngjarjet e fundit në Kosovë dhe kërkova që KFOR-i të kujdeset për të gjitha çështjet e sigurisë në veri të Kosovës në vend të policisë së Kurtit. Gjithashtu pyeta se pse EULEX-i u refuzua nga policia e Kosovës për të marrë pjesë në operacion që u realizua në territorin e veriut të Kosovës”, ka shkruar Vuçiç.

LEXONI GJITHASHTU: 

• Stojkoviç: Janë 10 serbë që kanë vdekur në sulmin terrorist në Kosovë
• Komandanti i Speciales: Krenar për djemtë tanë, pamë terroristët duke vrapuar e qarë
• Video| Pamjet me dron kur terroristët serbë largohen me vrap mes pyjeve