Komandanti i Speciales: Krenar për djemtë tanë, pamë terroristët duke vrapuar e qarë

Komandanti i Njësisë Speciale, të Kosovës, Besart Ahmeti, ka reaguar në lidhje me përplasjen e armatosur të Policisë së Kosovës me terroristët serbë që u fshehën në manastirin e Basnjkës.

Përmes një postimi në rrjetin social facebook, Ahmeti, përgëzon ekipin e tij për punën e bërë.

Ai nënvizon se ekipet e specializuar të policisë së Kosovës i panë terroristët duke qarë dhe vrapuar për t’u strukur në mal për të shpëtuar.

“Krenarë me djemtë, pamë djallin në sytë e tyre, i pamë tek u rrëzuan, duke qarë, duke vrapuar, më vjen keq për ata që nuk ia kishin idenë se çfarë kishte ndodhur dhe që po gënjejnë sikur kanë qenë aty”, ka shkruar ai në Facebook.

Kujtojmë se në orët e para të mëngjesit të 24 shtatorit, policia e Kosovës ra pre e një sulmi në zonën e Zveçanit, ku vdiq rreshteri Afrim Bunjaku.

Pas lokalizimit të grupit terrorist brenda manastirit të Basnjkës, Policia e Kosovës vrau tre prej tyre, u arrestoi dy tjerë si dhe zbuloi një arsenal të madh armësh.

LEXONI GJITHASHTU: 

• Stojkoviç: Janë 10 serbë që kanë vdekur në sulmin terrorist në Kosovë
• Sulmi në Veri, Zotaj: I mirëplanifikuar, serbët kishin ambulancat në kufi
• Video| Pamjet me dron kur terroristët serbë largohen me vrap mes pyjeve