Video| Pamjet me dron kur terroristët serbë largohen me vrap mes pyjeve

Janë publikuar pamjet e para të mënyrës se si kanë arritur të largohen nga manastiri i Banjskës grupi terrorist i cili sulmoi policinë e Kosovës dhe i mori jetën njërit prej tyre.

Ishte rreshteri Afrim Bunjaku ai i cili humbi jetën në përballje me forcat serbe.

Zyrtarisht nga ana e policisë bëhet me dije se janë 3 persona të cilët janë ekzekutuar nga policia e Kosovës, 2 të tjerë janë të plagosur, 6 janë të arrestuar ndërsa ditën e djeshme janë arrestuar edhe dy persona të tjerë për armëmbajtje pa leje të cilët dyshohet të kenë qenë pjesë e grupit kriminal.

Në pamjet të cilat u publikuan pasditen e djeshme, grupi i terroristëve, sipas asaj që thuhet nga burimet zyrtare të Kosovës, i përbërë nga 30 persona ishin strehuar në manastirin e Banjskës dhe më pas ata me një mjet të blinduar i cili ishte vendosur po në manastir, janë larguar dhe kanë ndjekur rrugën malore për të kaluar në anën tjetër të kufirit, në territorin serb.

LEXONI GJITHASHTU:

• Stojkoviç: Janë 10 serbë që kanë vdekur në sulmin terrorist në Kosovë
• Dhunuan me sende të forta 36-vjeçarin, babai arrestohet, i biri procedohet i lirë