Vuçiç reagon për incidentin para Parlamentit të Serbisë: Akt terrorist

Presidenti serb Aleksandër Vuçiç ka reaguar lidhur me incidentin e ndodhur paraditen e së mërkurës para Parlamentit të Serbisë ku një person mbeti i plagosur pas të shtënave me armë zjarri në një kamp tendash pro-qeveritare, të cilat më pas u përfshinë nga flakët.

Teksa ndodhej në një takim qeveritar, Vuçiç deklaroi se ishte i detyruar të largohej pasi një akt terrorist kishte ndodhur para Parlamentit të Serbisë, shkruajnë mediat serbe.

“Po flas si i pari dhe kërkoj ndjesë që do të më duhet të largohem nga ky takim i mrekullueshëm. Arsyeja është akti terrorist që ndodhi para Parlamentit serb, kështu që do të duhet të merrem me gjëra të tjera”, tha Presidenti i Serbisë.

Sipas raportimeve të mediave serbe, një person ka mbetur i plagosur, ndërsa pamjet filmike tregojnë ndërhyrjen e policisë dhe një burrë që del nga një prej tendave të përfshira nga zjarri.

Deputetja e opozitës, Marinika Tepić, nga Partia e Lirisë dhe Drejtësisë, deklaroi në platformën X (ish-Twitter):

“Dikush qëlloi me armë zjarri dhe më pas u vuri flakën tendave”.

LEXONI GJITHASHTU:

• Të shtëna dhe zjarr në kampin pro-qeveritar para parlamentit në Serbi, 1 i plagosur
• Vaksina kundër kancerit, Serbia merr ndihmë nga Rusia