“Vuçiç refuzon marrëveshjen”, Kurti: Normalizimi i raporteve vetëm përmes njohjes

Kryeministri i Kosovës, Albin Kurti, ka publikuar një video-mesazh ku mes te tjera ka folur edhe për takimin në Ohër në 18 mars.

Sipas Kurtit, është Serbia ajo që refuzon të nënshkruajë marrëveshjen.

“Në takimin trilateral në Bruksel më 27 shkurt, ofrova të nënshkruaj marrëveshjen bazë në emër të Republikës së Kosovës. Fatkeqësisht presidenti i Serbisë refuzoi. Refuzimin, ai e bëri publik pasi doli nga takimi. Javën e ardhshme ne përsëri do të takohemi në Ohër, në Maqedoninë e Veriut. Unë shpresoj që refuzimi i Serbisë që ta nënshkruajë propozimin në Bruksel nuk është indikacion që ata nuk pajtohen me përmbajtjen. Çdo ditë ne dëshmojmë kreativitetin dhe konstruktivitetin. Ne besojmë që marrëveshja bazë mes Kosovës dhe Serbisë përbën avancimin drejt njohjes reciproke mes dy shteteve. Ne besojmë që normalizimi i plotë i raporteve kërkon njohjen e tillë, si pika qendrore e marrëveshjes”, shprehet Kurti.

LEXONI GJITHASHTU:

• Kurti optimist për marrëveshjen me Serbinë: Shpresoj të nëshkruhet më 18 mars
• Avokati: Kurti s’firmos marrëveshje me kushtet e 2013, askush nuk i bën dot presion