Avokati: Kurti s’firmos marrëveshje me kushtet e 2013, askush nuk i bën dot presion

Avokati Tomë Gashi thotë se kryeministri i Kosovës, Albin Kurti nuk do të firmosë marrëveshje që mund të dëmtojnë interesat e vendit, siç ishte ajo e Asociacionit në vitin 2013,

Në një  intervistë për Euronews Albania, Gashi u shpreh se SHBA dhe BE nuk i bëjnë dot presion Kurtit, pasi ai punon për shtetin dhe jo për pushtetin.

“Një pjesë e madhe nuk e njohin Albin Kurtin apo duan ta bëjnë me faj, pse ai nuk po nënshkruan diçka që e kërkojnë miqtë tanë. Albin Kurti është për shtetin, jo për pushtetin. Nuk e ka fare problem, nuk mundet askush t’i bëjë një presion të tillë, as Shtetet e Bashkuara, as BE.

Nuk mund ta shantazhojnë apo korruptojnë sepse kaloi koha e tyre. Më 14 shkurt 2021 është ndërruar epoka e atyre që nënshkruan gjithçka që donte Serbia. Tani kemi një kryeministër tjetër”, theksoi ai.

LEXONI GJITHASHTU

• BE miraton vendimin për liberalizimin e vizave për Kosovën
• Lista Serbe nuk do të marrë pjesë në zgjedhjet lokale në veri të Kosovës
• “Njohje reciproke”, DASH flet për dialogun mes Kurtit dhe Vuçiçit