Vuçiç: Serbia po paguan çmim të lartë për mos vendosjen e sanksioneve ndaj Rusisë

Presidenti i Serbisë, Aleksandër Vuçiç deklaroi se për shkak të mos vendosjes së sanksioneve ndaj Rusisë, vendi po paguan një çmim të lartë në raport me marrëdhëniet ndërkombëtare.

Megjithatë, Vuçiç u shpreh se për momentin nuk ka ndërmend ta ndryshojë atë vendim, shkruan N1.

Gjatë fjalës së tij në Kuvend, ku po diskutohet edhe për Kosovën, Vuçiç tha se ky vendim nuk ishte personal i marrë prej tij, por shtetëror dhe nënvizoi se duhet mbrojtur interesi i Serbisë.

“Nëse nuk mund ta bëjmë këtë, do të them, nuk mund të durojmë më”, theksoi Vuçiç dhe shtoi se Serbia nuk e mbështeti “pushtimin rus të Ukrainës sepse vendi respekton parimet e Kombeve të Bashkuara”.

LEXONI GJITHASHTU

• Daçiç: Uashingtoni dhe Brukseli i dinë vijat e kuqe të Serbisë
• “Të vijohet përpara me marrëveshjet”, BE e prerë: Të formohet asociacioni
• Asociacion serb në Kosovë? Gashi: Të trajtohen njësoj edhe shqiptarët në Preshevë