Vuçiç: Shpresoj për marrëveshje në Ukrainë, por kam frikë se do përkeqësohet 

Presidenti i Serbisë Vuçiç deklaroi sot se shpreson në një marrëveshje për luftën në Ukrainë, por nuk e sheh atë, prandaj ka frikë se mund të përkeqësohet.

“Kam frikë se vetëm do të përkeqësohet. Problemi është se askush nuk dëshiron një kompromis, por vetëm humbjen e palës tjetër. Derisa gjërat të bëhen më të qarta dhe ato nuk do të bëhen më të qarta së shpejti, kam frikë se do të kemi një konflikt gjithnjë e më të vështirë”, tha ai.

Vuçiç iu përgjigj pyetjes nëse besoni se do të ketë një marrëveshje, një armëpushim në Ukrainë.

Ai tha se deri në fund të dimrit kanë mbetur edhe pesë muaj e gjashtë ditë dhe se çdo ditë që kalon është e rëndësishme.

Ai deklaroi gjithashtu se pas pak ditësh do të nisë sezoni i ngrohjes, duke shtuar me ironi se po pret që dikush të shfaqet sot në 25 gradë për të protestuar se nuk ka ngrohje, me këmisha me mëngë të shkurtra.

LEXONI GJITHASHTU:

• Kurti: Jo shtyrjes së targave. Vuçiç: Na presin kohë të vështira
• Vuçiç takim me ambasadorin rus, diskutime për Kosovën
• Vuçiç: Propozimi franko-gjerman, shumë i vështirë për Serbinë