Vuçiç telefonatë me Erdoganin: E kam informuar për aktualitetin në Kosovë

Presidenti i Serbisë, Aleksandër Vuçiç, bën me dije se ka biseduar  sërish në telefon me presidentin e Turqisë, Recep Tayyip Erdogan, të cilin tha se e ka informuar për aktualitetin në Kosovë dhe kronologjinë e ngjarjeve që çuan, në siç tha ai, përshkallëzimin e dhunës ndaj komunitetit serb në Kosovë.

Në postimin e tij në Instagram, Vuçiç shton se kanë biseduar për çështjet rajonale dhe se kanë rënë dakord që paqja dhe stabiliteti nevojiten më shumë se kurrë.

‘Bisedë konstruktive me Presidentin e Turqisë. E informova për ngjarjet aktuale në Kosovë dhe kronologjinë e ngjarjeve që çuan në përshkallëzimin e dhunës ndaj komunitetit serb në Kosovë’- shkruan Vuçiç.

Pak kohë më parë presidenti i Turqisë ka biseduar në telefon edhe me kryeministrin e Kosovës Albin Kurti ku u diskutua për situatën në Kosovës.

Erdogan theksoi se Turqia është e gatshme të japë kontributin e nevojshëm në procesin e dialogut.

LEXONI GJITHASHTU: 

• Nisin regjistrimet për nxënësit në klasat e 10-ta, zgjasin deri më 20 korrik
• Merrte makina me qira dhe mashtronte për kthimin e tyre, në pranga 34-vjeçari