Presidenti i Serbisë, Aleksandër Vuçiç ka deklaruar para fillimit të Samitit të BE-së në Bruksel, se vendet anëtare të Open Balkan, morën vendim për të marrë pjesë për shkak të ngërçit midis Maqedonisë së Veriut dhe Bullgarisë.

Vuçiç tha se disa vende të BE-së janë përpjekur që të bllokojnë hapjen e negociatave për Maqedoninë e Veriut dhe Shqipërinë, shkruan Euronews Serbia.

“Ne e kemi diskutuar këtë, por jemi këtu për të diskutuar të ardhmen tonë evropiane, besojmë se do të ketë disa përfundime që janë të mira për Ballkanin Perëndimor”, tha ai.

Vuçiç nënvizoi se nuk pret asgjë nga ky Samit, megjithëse beson te e ardhmja europiane e Serbisë.

“Unë besoj në të ardhmen evropiane të Serbisë dhe të rajonit, por së bashku me miqtë nga rajoni do të luftojmë për atë të ardhme evropiane, por duke respektuar veten dhe duke besuar se mund të bëjmë shumë së bashku”, tha ai.

LEXONI GJITHASHTU

• Serbia s’mund të shkojë në BE duke ndjekur rrugën e Rusisë, thotë Osmani
• Rama në Bruksel: Bullgaria po mban peng dy vende të NATO-s