Vula e PD i kaloi Berishës, Basha bën “lëvizjen e radhës”

Gjykata e Apelit vendosi këtë të martë, 11 qershor, që sigla dhe logoja e Partisë Demokratike, t’i kalojnë ish-kryeministrit Sali Berisha.

Me vendimin e formës së prerë të Apelit tashmë kryetari i Partisë Demokratike nuk është më Lulzim Basha, por Sali Berisha.

Nga kampi i Bashës vjen dhe lëvizja e parë pas vendimit të gjykatës.

Burime bëjnë me dije se në orën 17:00 Basha pritet të mbledhë strukturat e forcës së tij politik. Nuk dihet ende qëndrimi që grupimi i tij pritet të marrë pas heqjes së logos zyrtare të PD.

Saga e gjyqeve për vulën e PD:

25 mars 2022: Regjistrohet Kuvendi i 11 dhjetorit me vendim të Gjykatës së Shkallës së Parë të gjyqtarit Agron Zhukri, Sali Berisha njihet kryetar i PD.

23 mars 2023: Rrëzohet vendimi i gjyqtarit Zhukri, kthehet në Shkallë të Parë me trupë tjetër. Kryetari i PD-së njihet Lulzim Basha.

27 dhjetor: Gjykata e Lartë e kthen në Apel me trupë tjetër dhe kërkon zgjidhje përfundimtare. Kryetari i PD vijon të jetë Basha.

11 qershor: Gjykata e Apelit kalon vulën e PD te Sali Berisha.

LEXONI GJITHASHTU:

• Berisha merr vulën e PD, demokratët nisin festën! Plasin fishekzjarre në seli
• Gjykata e Apelit i jep vulën e Partisë Demokratike Sali Berishës
• Momenti kur Apeli vendos që vula e PD-së t’i kalojë Berishës, Rithemelimi në festë