Watford largon Rei Manajn, shkak performanca e dobët

Rei Manaj nuk është më pjesë e skuadrës së Watford. 25-vjeçari shqiptar ka shkëputur me konsensus kontratën me skuadrën angleze që militon në Championship. Shkak janë bërë paraqitjet jo të mira të sulmuesit, i cili nuk mundi të linte gjurmë në aventurën e tij në ishull. 1 gol në 6 paraqitje regjistron Manaj, pavarësisht se u prit me ngulm nga tifozëria.

Sulmuesi nënshkroi një kontratë 3-vjeçare, pas kalimit të tij nga Specia, teksa tashmë i duhet të gjejë një skuadër të re. Nënshkrimi me lushnjarin është cilësuar si një lëvizje e gabuar nga tifozëria e Watford, që ka nisur menjëherë sulmet në drejtim të drejtuesve.

Në të shkuarën Manaj ka luajtur me skuadra si Interi, Barcelona B, Granada, Specia. Shkëlqimin e pati tek katalanasit ku në 27 përballje shënoi 13 gola, duke u kthyer në një lojtar vendimtar. Sulmuesi shqiptar u huazua tek Specia në sezonin 21/22, ku regjistron 30 ndeshje dhe 5 gola, 3 prej tyre me penallti. Manaj ka arritur të shënojë gola dhe me kombëtaren shqiptare, 7 të tillë në 31 ndeshje.

LEXONI GJITHASHTU:

• LeBron James rekord absolut, shënon historinë në NBA
• Rritet bilanci tragjik në Siri dhe Turqi, shkon mbi 11 mijë numri i viktimave
• Nuk kursehet Lionel Messi, dhuron shumën e majme për Turqinë dhe Sirinë