Web-i i Bashkisë Berat 9 vite pa aktivitete për rininë, ja si përgjigjet deputetja

Që prej vitit 2014 në faqen e Bashkisë Berat nuk ka asnjë aktivitet për të rinjtë. A do të përmirësohet kjo infrastrukturë teknologjike?

Ishte kjo pyetja që iu drejtua deputetes së Partisë Socialiste në Berat, Hatixhe Konomi në “RinOn” në Euronews Albania.

Ajo u shpreh se investimi i parë që do të bëhet për të rinjtë atje është ndërtimi i një qëndre rinore, që prej vitesh ka qenë e munguar dhe e shumëkërkuar.

“Ka 9 muaj që ka filluar funksionimin e saj, janë filluar mbi 200 aktivitete deri tani me pjesëmarrjen e mbi 2500 të rinjve të qytetit të Beratit. Është një qendër multifunksionale që iu jep mundësi jo vetëm të shprehin talentin, të kalojnë kohën e lirë apo të aftësohen profesionalisht, por edhe një këshillim profesional,” – tregoi Konomi.

Ndërkohë sa i takon mos funksionimit të web-it, deputetja tha se format nga të rinjtë e marrin informacionin janë të shumta.

LEXONI GJITHASHTU:

• Ardit Bido: Dokumenti sekret që Hitleri kërkonte të merrte në Berat por s’ia doli
• Prokuroria e Beratit përcjell në SPAK dosjen e serave të kanabisit