“Xhaçka”, Bushka: Deputetët nuk janë të detyruar të votojnë në mënyrë të caktuar

Socialistët kanë reaguar pas publikimit të opinionit nga Komisioni i Venecias për mandatin e deputetes Olta Xhaçka. Deputetja e PS-së, kryetare e komisionit të Ligjeve Klotilda Bushka tha se Komisioni i Venecias është shprehur sot për 5 pyetjet e drejtuara si dhe vendimin e Gjykatës Kushtetuese për çështjen Xhaçka.

Bushka tha se Komisioni i Venecias shprehet qartë se Parlamenti nuk është i detyruar të votojë në një mënyrë të caktuar dhe se deputetët kanë të drejtë të votojnë lirshëm, siç është sanksionuar nga Gjykata Kushtetuese në vendimin e vitit 2011.

“Në opinionin e Komisionit të Venecias theksohet parimi se deputetët janë të lirë të votojnë. Komisioni i Venecias konstaton se Kuvendi e njeh detyrshmërinë e vendimeve të Gjykatës Kushtetuese. Vendimet e Gjykatës Kushtetuese duhet të jenë të zbatueshme dhe nuk duhet të diktojnë votën dhe të shkelin rolin e parlamentit. Bazuar ne opinion e Komisionit të Venecias pikëpyetjet e ngritura nga Gjykata Kushtetuese kanë qenë të drejta dhe të bazuara. I gjithë ky proces përtej retorikës politike pati një karakter tërsisht teknik dhe parime kushtetuese e jo interesa politike. Koha na dha të drejtë se ishte një çështje juridike që nuk mund të zgjidhej me vendime politike”, tha Bushka.

Bushka tha se Komisioni i Venecias thekson se zbatimi i vendimeve të Gjykatës Kushtetuese nuk duhet të kushtëzohet nga votimi në Kuvend.

“Kuvendi e njeh detyrueshmërinë e zbatimit të GJK dhe nuk ka patur qëllim moszbatimin. Por duhet të jenë brenda kompetencave kushtetuese. Kuvendi e dërgon çështjen në GJK vetëm kur deputeti përfiton pasuri publike. E drejta 1/5 e deputetëve për t’iu drejtuar GJK e sanksionuar në Kushtetutës dhe lejimi saj i mbrojtur sipas parimeve ndërkombëtare. GJK në rolin kushtetues ka kompetencën e interpretimit të kushtetutës. Edhe një herë u kërkua qartësimi kur ekzistojnë paqartës. Nuk ka patur asnjë krizë kushtetuese”, tha Bushka.

LEXONI GJITHASHTU:

• Opinionin i “Venecias” për Olta Xhaçkën, reagon Gazment Bardhi
• Komisioni i Venecias bën publik opinionin lidhur me mandatin e Olta Xhaçkës