Xhaçka dënon sulmin ndaj EULEX-it: Të hiqen menjëherë barrikadat në veri

Ministrja e Punëve të Jashtme, Olta Xhaçka ka dënuar ashpër sulmin ndaj një patrulle vëzhguese të EULEX-it.

Përmes një postimi në rrjetet sociale, Xhaçka ka kërkuar heqjen e menjëhershme të barrikadave në veri të Kosovës.

Sipas saj, është e rëndësishme të rivendoset qetësia dhe sundimi i ligjit.

“Shqipëria dënon ashpër sulmet ndaj EULEX-it në Kosovës dhe ndaj Policisë së Kosovës në veri. Ne i bashkohemi thirrjeve të partnerëve tanë ndërkombëtarë për heqjen e menjëhershme të barrikadave nga grupet e serbëve të Kosovës. Është e rëndësishme të rivendoset qetësia dhe sundimi i ligjit”, shkroi Xhaçka në Twitter.

Albania 🇦🇱 strongly condemns the attacks on @EULEXKosovo and on Kosova Police in the north of 🇽🇰. We join the calls of our international partners for the immediate removal of barricades by groups of Kosova Serbs. It is important to restore calm and rule of law.

— Olta Xhaçka🇦🇱 (@xhacka_olta) December 11, 2022

Misioni i Bashkimit Evropian për Sundimin e Ligjit në Kosovë, EULEX, ka konfirmuar se një shok bombë është hedhur ndaj një patrulle vëzhguese mbrëmjen e së shtunës, në afërsi të Rudarës, në komunën e Zveçanit.

EULEX-i bëri të ditur se asnjë zyrtar i Njësisë Policore të Specializuar nuk është lënduar dhe nuk janë shkaktuar dëme materiale, por i cilësoi sulmet e tilla të papranueshme.

LEXONI GJITHASHTU

• ‘Shmangni përshkallëzimin’, Borrell reagon pas sulmit ndaj EULEX-it në veri
• Sulmohet patrulla e EULEX-it në veri të Kosovës
• Serbët u detyruan që t’i vendosnin barrikadat në veri, thotë Vuçiç