Xhixho: Krimet zgjedhore nuk janë hetuar nga SPAK, të krijohet qeveri teknike

Deputetja e Partisë së Lirisë Erisa Xhixho, ishte e ftuar këtë të hënë në Euronews Albania, ku komentoi aktualitetin politik në prag të zgjedhjeve të vitit 2025.

Xhixho tha se dosjet e rëndësishme si ajo e Çyrbjas apo shitblerja e votës janë krime zgjedhore të pa hetuara.

Ajo apeloi për qeveri teknike në mënyrë që të garantohen zgjedhje të lira.

“Dosja e Çyrbjas, shitblerja e votës apo krimi i organizuar i cili është i lidhur me politikën, janë krime zgjedhore që nuk u hetuan nga SPAK, por u lanë në prokurorinë e rretheve, ndërkohë që është një nga dramat më të mëdha nëse si garantojmë qytetarëve votën e lirë dhe të ndershme.

Edhe kësaj rradhe nuk patëm reformë zgjedhore. Klasa politike është në një klimë mosbesimi midis palëve teksa opozita mund të krijojë një qeveri teknike. Duhet ndryshuar një qeveri e cila nuk merr pjesë me ushtrimin e pushtetit të saj në efektin elektoral”, tha Xhixho.

Nga ana tjetër deputetja e PL u ndal dhe te vota e diasporës për të cilën tha: “Kemi diskutuar gjithashtu në Komisionin e Dialogut me Damian Gjiknurin i cili ka cilësuar se do të zbatohen vendimet e gjykatës Kushtetuese, se vota e diasporës ka një të drejtë ligjitime për të marrë pjesë në zgjedhje. Mendoj që kjo gjë kjo mund të jetë një mekanizëm që emigrantët të kthehen në Shqipëri”, u shpreh Erisa Xhixho.

LEXONI GJITHASHTU:

• Dhuna në Kuvend, Xhixho: Do përballem me akuzat e SPAK, s’pres gjë nga kjo drejtësi
• A do dështojë vota e diasporës? Gazetari: Nuk çuditem, është bërë një “mur vonesash”