Yuri Kim në Kryeministri, në KLP prezantohen kandidaturat për shefin e SPAK

Ambasadorja Yuri Kim ka vizituar Kryeministrinë gjatë kohës që në Këshillin e Lartë të Prokurorisë prezantohen kandidaturat për drejtuesin e ri të SPAK-ut.

Nuk dihet ende se me kë është takuar diplomatja amerikane.

Kreu i ri i Strukturës së Posaçme kundër Korrupsionit dhe Krimit të Organizuar do të zgjidhet mes tre prokurorëve: Adnan Xholi, Altin Dumani dhe Edvin Kondili.

Altin Dumani dhe Edvin Kondili hyjnë në këtë garë për herë të dytë, pasi tre vite më parë ishin konkurrentët kryesorë të Arben Krajës, por që nuk ia dolën.

Adnan Xholi paraqiti para Këshillit të Lartë të Prokurorisë platformën e tij. Ai u shpreh se ka aftësitë e duhura dhe eksperiencën e nevojshme për të drejtuar një nga institucionet më të rëndësishme.

LEXONI GJITHASHTU:

• Dosjet e nxehta të 3 kandidatëve për kreun e ri të SPAK
• Manjani: KLP të denoncojnë çdo ndërhyrje, ndryshe bëhen palë me pocaqinë