Dosjet e nxehta të 3 kandidatëve për kreun e ri të SPAK

Kreu i ri i Strukturës së Posaçme Kundër Korrupsionit dhe Krimit të Organizuar do të zgjidhet mes tre prokurorëve: Adnan Xholi, Altin Dumani dhe Edvin Kondili.

Altin Dumani dhe Edvin Kondili hyjnë në këtë garë për herë të dytë, pasi tre vite më parë ishin konkurrentët kryesorë të Arben Krajës, por që nuk ia dolën.

Gazetari Eni Ferhati bëri një përmbledhje të karrierës dhe dosjeve që kanë në dorë 3 kandidatët për kreun e SPAK.

Adnan Xholi është bashkuar me SPAK në pjesën e dytë, ka trajtuar disa çështje, ka qenë ish-drejtuesi i Prokurorisë së Krimeve të Rënda. Xholi hetuar dosje të nxehta, rasti i fundit është zbulimi i 430 kg kokainë, hetime që i ka udhëhequr për 3 muaj.

Edvin Kondili ka eksperiencë si prokuror në ish-Prokurorinë e Krimeve të Rënda, ka kaluar ndër të parët vetingut. Kondili ka hetuar shumë dosje sa i përket krimit të organizuar, mes tyre sekuestrimin e 613 kg kokainë në Durrës. Ka disa dosje të nxehta aktualisht, dhe disa ish-zyrtarë të lartë në lidhje me abuzimet me tenderët.

Altin Dumani ish-prokuror i Apelit, ka në dorë dosje të nxehta sa i takon krimit të organizuar dhe korrupsionit. Po heton tjetërsimin e pronave në Gjirin e Lalzit, ku është dhënë një urdhër-arrest për një person të njohur botës së krimit si Aleksandër Laho.

LEXONI GJITHASHTU:

• Kreu i ri i SPAK, Adnan Xholi shpalos platformën, të pranishëm përfaqësues të SHBA
• Sot gara për kreun e ri të SPAK, mesazhi i Arben Krajës për kandidatët