ZAFEST, festivali i promovimit të Shkodrës, 3 netë emocione nga këngëtarë shqiptarë

Në Shkodër u mbajt edicioni i 7 i Festivalit ‘ZAFEST’. Për tre netë me radhe artistë të njohur dhuruan emocione për spektatorët.

Shkodra edhe njëherë tjetër ja doli të jetë qendra e kulturës së Shqipërisë. Festivali ZAFEST, për tre netë me radhë, bëri bashkë këngëtarë të njohur në mbarë botën, e jo vetëm.

Edicioni I 7 tij, nisi nga oborri i Kullës se Sahati të Inglizit, për të përfunduar në kalanë Rozafa. Të ftuarit, ndajnë emocionet e përjetuara gjatë këtyre netëve.

“Është shumë e bukur e sidomos ky vendi. Jam pa fjalë. Është gjithçka fantastike. E njoh Vlashentin prej shume vitesh dhe me ka folur gjithmonë për vendin e tij. Tani jam e lumtur që e dëgjova dhe erdha për të zbuluar Shqipërinë e tij, e cila është e mrekullueshme.”- theksoi Isabeal Sorling, këngëtare

“Për mua është hera e parë në Shqipëri dhe duhet të them që ky vend, Shkodra është e mrekullueshme dhe kjo skenë një magji e vërtetë. Vlashenti më kontaktoi dhe krijuam lidhjet menjëherë, një kimi që dukej se njiheshim prej kohësh. Mund të them që është nisja e një miqësie. Përgjigja e publikut sonte ishte fantastike dhe të shohësh që njerëz që nuk flasin gjuhën tende por këndojnë me ty, është fantastike. Një eksperiencë që dua ta përsëris”- shtoi Davide Shorty, këngëtar.

Themeluesi dhe krijuesi ZAFEST, Vlashen Sata, u shpreh se edhe njëherë tjetër, festivali ja arriti qëllimit të tij.

“Shumë përpjekje që t’ja dilnim dhe jam shumë i lumtur e më vjen shumë mirë që kemi arrit rezultatin. Është dëshira me mbajt nivelin, të ruajmë të mirën e të bukurën  dhe më vjen mirë që njerëzit e kanë shijuar e përqafuar dhe i ka bërë mirë atyre dhe neve”- tha mes të tjerash Vlashent Sata, drejtor artistik.

ZAFEST, erdhi me mbështetjen e Ministrisë së Kulturës, Bashkimit Europian dhe ambasadës Franceze, Italiane dhe Suedeze.

LEXONI GJITHASHTU: 

• 75-vjeçari gjerman humb jetën në hotelin në Vlorë, dyshimet e para
• Zjarrvënie e qëllimshme në Vlorë? Drejtori Leka: Mbetet pistë e hetimeve