Zbardhet kalendari i Superligës

Këtë të hënë u zbardh kalendari për sezonin e ri të Superligës, ndërsa për të shijuar derbin historik të kryeqytetit, tifozët shqiptarë do të duhet të presin deri në javën e gjashtë të kampionatit. Në javën e parë nuk do të mungojnë duelet interesante.

Ekipet e Superligës u njohën  me datat në të cilat do të përballen me kundërshtarët e tyre, ndërsa tashmë kanë nisur edhe kalkulimet. Formati nuk ndryshon, 36 javë lojë, e më pas finalja 4, ashtu si në edicionin e sapombyllur. Përfaqësues të 10 ekipeve ndoqën nga afër shortin, ku vetëm 3 prej tyre zgjodhën që në përfundim të shpreheshin për mediat.

Duelet interesante nuk do të mungojnë as në javën e parë, një prej tyre dhe klasikja Partizani-Vllaznia apo Dinamo-Egnatia. Kampionati shqiptar nis më 18 gusht, ndërsa marrin pjesë 10 ekipe, Tirana, Partizani, Dinamo, Egnatia, Teuta, Laci, Skënderbeu, Bylis, Elbasani dhe Vllaznia.

LEXONI GJITHASHTU:

• FSHF publikon datat për edicionin të ri futbollistik, kur pritet të nisë Superliga
• Shqipëria merr pjesë në Samitin “Futbolli i vajzave & politikat gjinore” në Hamburg