Partia Demokratike pritet të firmos këtë të mërkurë një marrëveshje koalicionin për zgjedhjet lokale me Partinë Bashkimi për të Drejtat e Njeriut, PBDNJ.
Gazetari Ardit Hoxha zbuloi për Euronews disa nga detajet e marrrëveshjes që pritet të firmoset në orën 11:00, nga Sali Berisha dhe Vangjel Dule.
Sipas tij, Partia Demokratike do t’i lërë rrugë të lirë PBDNJ-së që të caktojë kanidatët për zgjedhjet lokale në bashkitë e Dropullit, Finiqit dhe Himarës.
“Ajo që mund të konfirmojmë është se PBDNJ-së do t’i lihet zonë e lirë në tre bashki ku Partia Demokratike nuk zhvilloi procesin e primareve, përkatësisht bashkinë e Finiqit, Dropullit dhe bashkinë e Himarës”, tha Hoxha.
VENDIMET E MARRËVESHJES:
Partia Demokratike e Shqipërisë dhe koalicioni i drejtuar prej saj do të mbështësë kandidatët për kryetar bashkie të propozuar nga Partia Bashkimi për të Drejtat e Njeriut në zonat zgjedhore Bashkitë Himarë, Dropull dhe Finiq.
Kandidatët përkatës do të konsiderohën kandidatë të koalicionit opozitar dhe do të përfaqësojnë alternativën e opozitës së bashkuar në zgjedhjet e 14. 05.2023 në të njëjtën mënyrë, formë dhe mbështetje me kandidatët e tjerë të kolaicionit të përzgjedhur nëpërmjet procesit të primareve të organizuara nga Partia Demokratike e Shqipërisë.
Partia Bashkimi për të Drejtat e Njeriut angazhohet të mbështesë kandidatët për kryetar bashkie të Partisë Demokratike dhe koalicionit të drejtuar prej saj, në të gjitha zonat e tjera zgjedhore, bashkitë e vendit përveç atyre të përmendura në pikën 1.
Të angazhohen për realizmin e transparencës së plotë për menaxhimin dhe përdorimin e të gjitha fondeve publike, si edhe të gjitha vendimeve të Këshillave Bashkiake dhe të Bashkive që lidhen me to, në të gjithë territorin e vendit, në funksion të llogaridhënies para qytetarëve.
Të angazhohen përmes nismave të përbashkëta institucionale, për ndalimin e betonizimit kriminal dhe korruptiv të qyteteve, duke i dhënë përparësi në vendimmarrjen lokale shëndetit të qytetarëve, gjelbërimit të qyteteve dhe zhvillimit të qëndrueshëm.
LEXO GJITHASHTU: