Zbardhet plagosja te Fresku/ Identifikohen të dyshuarit, 1 në pranga dhe 2 në kërkim

Një plagosje me armë zjarri ndodhi mbrëmjen e së shtunës në kryeqytet, në zonën e Freskut, ndërsa 28-vjeçari Juglen Abazi shkoi vetë në spital me plagë.

Policia e Tiranës ka dalë me një deklaratë ku thotë se ka identifikuar autorin e ngjarjes dhe dy personat që e kanë ndihmuar për t’u larguar nga vendi i ngjarjes.

Në njoftimin e saj, policia bën me dije se ka shpallur në kërkim 26-vjeçarin Klejvis Caka (Lusha), banues në Tiranë, i cili akuzohet për veprat penale “Vrasje me dashje” e mbetur në tentativë dhe “Mbajtje pa leje dhe prodhimi i armëve, armëve shpërthyese dhe i municionit”.

Ai dyshohet se ka qëlluar me armë zjarri në rrugën “Thoma Filipeu” në Fresk, duke plagosur 28-vjeçarin J.A.

Po ashtu, është arrestuar në flagrancë shtetasi Xhonatan Qerimi, 27 vjeç, banues në Tiranë, për veprën penale “Përkrahje e autorit të krimit” ndërsa një tjetër person, shtetasi Andi Gurra, 26 vjeç, banues në Tiranë, është shpallur në kërkim për veprën penale “Përkrahje e autorit të krimit”.

Nga veprimet hetimore dyshohet se shtetasit Xh. Q. dhe A. G. e kanë ndihmuar autorin e dyshuar të largohet nga vendngjarja.

Vijon puna për kapjen e shtetasve të shpallur në kërkim dhe dokumentimin e plotë ligjor të kësaj ngjarjeje.

Njoftimi i plotë i policisë

“Pas veprimeve të thelluara hetimore për zbardhjen dhe dokumentimin e plotë ligjor të ngjarjes së ndodhur mbrëmjen e djeshme.

Identifkohet dhe shpallet në kërkim autori i plagosjes me armë zjarri të 28-vjeçarit, ndodhur dje në mbrëmje në zonën e Freskut.

Arrestohet njëri prej bashkëpunëtorëve të tij, shpallet në kërkim tjetri.

Në vijim të veprimeve intensive hetimore për zbardhjen e plotë të ngjarjes së ndodhur mbrëmjen e djeshme, në rrugën “Thoma Filipeu”, në Fresk, ku mbeti i plagosur me armë zjarri 28-vjeçari J. A., specialistët e Sektorit për Hetimin e Krimeve të Rënda kundër Jetës dhe Pronës kanë identifikuar autorin e dyshuar dhe dy bashkëpunëtorët e tij.

Në vijim të veprimeve proceduriale:

-U shpall në kërkim autori i dyshuar i plagosjes, shtetasi K. C. (L.), 26 vjeç, banues në Tiranë, për veprat penale “Vrasje me dashje” e mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit”;

-U arrestua në flagrancë shtetasi Xh. Q., 27 vjeç, banues në Tiranë, për veprën penale “Përkrahje e autorit të krimit”;

-U shpall në kërkim shtetasi A. G., 26 vjeç, banues në Tiranë, për veprën penale “Përkrahje e autorit të krimit”.

Nga veprimet hetimore dyshohet se shtetasit Xh. Q. dhe A. G. kanë ndihmuar autorin e dyshuar të largohet nga vendngjarja.

Vijon puna për kapjen e shtetasve të shpallur në kërkim dhe dokumentimin e plotë ligjor të kësaj ngjarjeje.

Materialet procedurale i kaluan Prokurorisë, për veprime të mëtejshme”, thuhet në njoftim.

LEXONI GJITHASHTU:

• I riu plagoset me armë zjarri te Fresku në Tiranë, çfarë thotë policia
• Detajet nga Vlora, autori goditi me thikë dy të rinj në zona të ndryshme të qytetit