Zbardhet vrasja e 23-vjeçarit, policia: E ekzekutuan pasi u prishën pazaret e drogës

Policia e Dibrës ka dhënë një konferencë për shtyp këtë të mërkurë, lidhur me zbardhjen e vrasjes së 23-vjeçarit Renis Dobra, i cili u gjet i vdekur në 8 korrik të këtij muaj.

Dobra sipas policisë raportohet se ka qenë pjesë e një grupi strukruruar kriminal dhe është dënuar në Gjermani për shpërndarje të lëndëve narkotike.

Në konferëncën për shtyp, drejtori i Policisë së Dibrës bën me dije se 23-vjeçari që u rrëmbye dhe më pas u mbyt me litar ka pasur konflikte për prishje të pazareve të drogës me 4 autorët e dyshuar, Petrit Çakëri, si edhe 3 vëllezërit, Fatjon, Kristi dhe Aleksandër Bushgjokaj.

“Si rezultat i një pune të mirëorganizuar hetimore, fiksimit dhe analizimit të provave nga vendngjarja, administrimit të shpejtë të informacioneve dhe pamjeve filmike të siguruara nga Policia në lidhje me autorësinë e rastit, si dhe i veprimeve të tjera profesionale policore, u bë e mundur zbardhja e autorësisë së vrasjes së shtetasit R. D. Konkretisht, në kuadër të operacionit policor të koduar “Bashkëfajësia”, shërbimet e Drejtorisë së Forcës së Posaçme Operacionale të Drejtorisë së Përgjithshme të Policisë së Shtetit, në bashkëpunim me strukturat e drejtorive vendore të Policisë Tiranë dhe Kukës, në zbatim të urdhrit të prokurorit, vunë në pranga shtetasit:

-P. H. alias P. C., 55 vjeç, banues në Tropojë, i cili u arrestua në fshatin Golaj, Kukës, i dyshuar për veprat penale “Vrasja me paramendim”, kryer në bashkëpunim, dhe “Rrëmbimi dhe mbajtja peng e personit”;

-F. B., 34 vjeç, banues në Kamzë, i cili u arrestua në zonën e Astirit, Tiranë, për veprat penale “Vrasja me paramendim”, kryer në bashkëpunim, dhe “Rrëmbimi dhe mbajtja peng e personit”.

Gjithashtu, u identifikuan dhe u shpallën në kërkim shtetasit K. B. dhe A. B., vëllezërit e shtetasit të arrestuar F. B. Vijojnë kontrollet dhe kërkimet, me qëllim lokalizimin dhe kapjen e tyre.Nga hetimet e thelluara të kryera nga grupi i posaçëm hetimor, në drejtimin e  Prokurorisë, rezultoi se më datë 08.07.2025, rreth orës 22:10 në fshatin Zenisht, Burrel, shtetasi R. D. është marrë peng dhe me pas është vrarë, nëpërmjet strangulimit (mbytjes me litar). Nga informacionet e siguruara rezulton se 4 shtetasit që kanë marrë pjesë në vrasjen e 23-vjeçarit, nuk kanë qenë të veshur me uniformë policie, si dhe nuk kane përdorur asnjë logo apo automjet te Policisë.

23-vjeçari ka qenë i dënuar në Gjermani, për shpërndarje të lëndëve narkotike, në kuadër të grupit të strukturuar kriminal. Ai dyshohet se me 4 shtetasit e lartpërmendur, autorë të dyshuar të vrasjes, ka patur mosmarrëveshje që lidhen për veprimtari kriminale në fushën e narkotikëve.-tha drejtori në konferencë.

Policia bën me dije se 23-vjeçari ëhstë mbytur me litar dhe më pas është hedhur i futur në automjetin e tij në liqenin e Ulzës. Gjatë rënies nga lartësia trupi i 23-vjeçarit ka dalë nga makina, e cila përfundoi në liqen.

“Nga hetimet e thelluara të kryera nga grupi i posaçëm hetimor, në drejtimin e  Prokurorisë, rezultoi se më datë 08.07.2025, rreth orës 22:10 në fshatin Zenisht, Burrel, shtetasi R. D. është marrë peng dhe me pas është vrarë, nëpërmjet strangulimit (mbytjes me litar).

Autorët, pas vrasjes, e kanë hedhur automjetin e 23-vjeçarit, bashkë me trupin e pajetë të tij, me qëllim që të binin në liqenin e Ulzës. Gjatë rënies, trupi i 23-vjeçarit ka mbetur pranë sektorit “C”, pa rënë në liqen, ndërsa automjeti ka rënë në liqen, ku dhe u gjet.

Nga informacionet e siguruara rezulton se 4 shtetasit që kanë marrë pjesë në vrasjen e 23-vjeçarit, nuk kanë qenë të veshur me uniformë policie, si dhe nuk kane përdorur asnjë logo apo automjet te Policisë”, tha drejtori i policisë Dibër.

LEXONI GJITHASHTU:

• Arrestohen ekzekutorët e Renis Dobrës, njëri dëshmitar në vrasjen Azem Hajdarit
• E hodhën me makinë drejt liqenit, zbardhen detaje të reja nga vdekja e 23-vjeçarit
• Mister pranë liqenit të Shkopetit/ 23-vjeçari gjendet i vdekur, makina brenda ujit