Policia ka zbardhur vrasjen e 67-vjeçarit Dod Mamli, i cili u ekzekutua me armë zjarri mbrëmjen e të hënës, teksa ishte duke punuar tokën në fshatin Vilëz, Zhejë.
Sipas Policisë, autori i krimit është identifikuar si Dashnor Tota. Uniformat blu bëjnë me dije se motivi i vrasjes ka qenë një konflikt pronësie mes autorit dhe viktimës.
Shërbimet operacionale dhe ato të Forcës Kombëtare të Sigurisë kanë vijuar përgjatë natës kontrollet për kapjen e autorit të dyshuar, por për shkak të errësirës nuk u bë e mundur gjetja e tij. Policia vijon kontrollet në të gjithë zonën dhe po kryen veprime të tjera hetimore me qëllim lokalizimin, kapjen dhe arrestimin e autorit, si dhe dokumentimin e plotë ligjor të ngjarjes.
“Falë veprimeve të shpejta hetimore, të kryera nga grupi hetimor në bashkëpunim me Prokurorinë, u bë i mundur identifikimi i autorit të dyshuar, shtetasit D. T., i cili dyshohet se, për motive pronësie, ka vrarë me armë zjarri pistoletë shtetasin D. M.
Shërbimet operacionale dhe ato të Forcës Kombëtare të Sigurisë kanë vijuar përgjatë natës kontrollet për kapjen e autorit të dyshuar, por për shkak të errësirës nuk u bë e mundur gjetja e tij,” thuhet në njoftimin e Policisë.
LEXONI GJITHASHTU:
- Emri/ Një i vrarë nga të shtënat me armë zjarri në Laç, çfarë thotë policia
- Po punonte tokën, u qëllua në kokë/ Detaje të reja nga vrasja e 67-vjeçarit në Laç
