Zbulohen armët që Kosova i dërgon Ukrainës

Kosova, këtë javë do të dërgoj një pako mbështetëse për Ukrainën, ku përfshihen kamionë taktikë dhe autoblinda ushtarake.

Lajmin e ka bërë të ditur ministri i Mbrojtjes, Ejup Maqedonci.

“Qeveria e Kosovës ka vendosur të ofrojë dy pako mbështetëse për Ukrainën. Pakoja e parë do të dërgohet këtë javë për në Ukrainë dhe përbëhet nga kamionë taktikë, automjete taktike dhe autoblinda ushtarake”.

Maqedonci, paralajmëroi se edhe pakoja e dytë do të dërgohet së shpejti.

“Kurse pakoja e dytë që përbëhet nga predha mortajash 120, 81 dhe 60-milimetërshe, do të dërgohet gjithashtu së shpejti në Ukrainë”, tha Maqedonci për agjencinë e lajmeve turke, Anadolu Agency.

Që nga fillimi i agresionit rus, Kosova ka qenë në krah të Ukrainës, duke strehuar disa gazetarë Ukrainas duke iu bashkangjitur sanksioneve të perëndimit ndaj Rusisë.

Më 23 korrik të 2023-së, Qeveria e Kosovës miratoi  pakon e 11-të të sanksioneve të reja ndaj Rusisë dhe Bjellorusisë.

Ministrja e Punëve të Jashtme dhe Diasporës, Donika Gërvalla, është  shprehur  se miratimi i kësaj pako është dëshmi e fuqishme e përkushtimit të Kosovës për drejtësi dhe paqe.

 LEXONI GJITHASHTU: 

• “Vizitat do bëhen online falë Starlink nga Elon Musk”- inxhinieri tregon detajet…
• “Kemi shkuar pranë humnerave”- Drejtuesja e garës së ‘çmendur’: S’ka pasur aksidente