Zbulohen politikanët e Kosovës në dosjen e ish-agjentit të FBI

Gazetari Milaim Zeka foli në lidhje me dosjen e ish-agjentit të FBI Charles McGonigal, duke thënë se në të janë të përfshirë dhe politikanë nga Kosova.

Në një intervistë për Euronews Albania ai theksoi se McGonigal ka kërkuar shuma marramendëse parash te ushtarët e UÇK-së në mënyrë që t’u heqë akuzat e pretenduara.

Sipas tij agjenti ka marrë më shumë se 250 mijë dollarë.

“Nuk është aspak lajm i çuditshëm që ‘x’ apo ‘y’ nga liderët e Kosovës ose të Shqipërisë takohen me një zyrtar të lartë të FBI. Nuk është sekret që ish-ambasadorja jonë në SHBA, Vlora Çitaku ka pasur lidhje me këtë grup, pastaj Enver Hoxha etj.

Problemi është se nga kuh kanë ardhur këto 250 mijë dollarë, kush ka qenë qëllimi. Ju garantoj që shumat kanë qenë më të mëdha, nuk bëhet fjalë për 250 mijë dollarë. Është një grup i strukturuar dhe abuzues në emrin e agjentit të FBI-që ka kërkuar shuma marramendëse te ushtarët  e UÇK-së se gjoja këta mund të heqin ose të rrëzojnë akuzat e pretenduara. Janë afera të nivelit të lartë.”- tha ai.

LEXONI GJITHASHTU: 

• Do tronditet Shqipëria, Zeka: 0.5% detaje janë zbuluar nga dosja e agjentit të FBI
• “Amerikanët nuk e hetojnë Ramën”, Zeka: Aferat me agjentë s’pijnë ujë në Shqipëri