Zbulohen rastet e para me grip, Bino: Kemi izoluar virusin e tipit A

Gripi stinor është në qarkullim. Ekspertët e ISHP kanë izoluar rastet e para të prekura nga gripi. Epidemiologët janë duke monitoruar situatën, ndërsa vërehet se trendi i infeksioneve respiratore është në rritje të vazhdueshme.

“Ne kemi identifikuar raste me grip A deri më tani, jo forma të rënda, po jemi nën vëzhgim. Aktualisht qarkullon dhe AH3N2 dhe AH1N1. Shpeshtësia e identifikimit të virusit të gripit është e ulët, por kemi një trend në rritje të infeksioneve respiratore”, tha Silva Bino, shefe e Departamentit të Epidemiologjisë, ISHP.

Por, Bino nënvizon se nëse qytetarët do të marrin vaksinën antigrip, e cila ofrohet falas në poliklinika, pesha e sëmundjes mund të bjerë.

“Në qoftë se ne kemi një ritëm vaksinimi të mirë, siç po e kemi, ne nuk presim që të kemi një dimër tepër të vështirë, megjithatë veç gripit qarkullon dhe Sars Cov 2, janë viroza të tjera respiratore, është RSV që ne po i identifikojmë këtë sezon”, u shpreh ajo.

Sa i takon infeksioneve të sipërme dhe të poshtme respiratore, ato i kanë kaluar 11 mijë të prekur në javë.

LEXONI GJITHASHTU:

• Alarmi nga gripi i shpendëve, Bino: Deri tani nuk kemi raste tek njerëzit
• Vatër e gripit të shpendëve në Mëzez, Ministria e Bujqësisë e karantinon