Zbulohet një laborator kriptomonedhash në Malësi të Madhe

Një magazinë e përshtatur në laborator për prodhimin e kriptovalutave është zbuluar nga policia në Malësi të Madhe.

Në pranga ka përfunduar një 60-vjeçar, pronari i magazinës ndërsa janë sekuestruar 14 pajisje elektronike që shërbenin për gjenerimin e kriptomonedhave virtuale.

Policia njofton se zbulimi i kësaj magazine është bërë falë edhe bashkëpunimit me OSHEE-në, pasi për të ushtruar aktivitetin kriminal pronari i shtëpisë kishte kryer dhe lidhje të paligjshme energjie.

Vazhdojnë hetimet për identifikimin e autorëve të tjerë të përfshirë në këtë veprimtari kriminale.

LEXONI GJITHASHTU:

• Zbulohen 2 laboratorë kriptovalutash në Shijak, 3 të arrestuar
• Policia e Kosovës sekuestron 272 pajisje për prodhim të kriptovalutave