Një qendër masazhesh që shërbente si një pikë për ushtrimin e prostitucionit është zbuluar nga policia në kryeqytet.
Në kuadër të operacionit të zhvilluar në një godinë në në rrugën “Margarita Tutulani”, u arrestuan në flagrancë shtetaset: Xh. K., 28 vjeçe, B. K., 23 vjeçe, A. P., 21 vjeçe dhe A. K., 26 vjeçe, të gjitha banuese në Tiranë.
Policia bën me dije se janë proceduar në gjendje të lirë edhe administratorja e qendrës së masazheve si dhe 4 klientë që ndodheshin aty gjatë operacionit të policisë.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale
“Shtetasja Xh. K. administronte një qendër masazhesh, në rrugën “Margarita Tutulani”, në të cilën, përveç aktivitetit të regjistruar ligjërisht si qendër masazhesh, ushtrohej edhe aktiviteti i kundërligjshëm i prostitucionit.
Në vijim të veprimeve, nisi procedimi në gjendje të lirë për shtetasen A. R., 31 vjeçe, punonjëse në këtë qendër masazhesh, si dhe për shtetasit E. A., 27 vjeç, E. C., 34 vjeç, S. M., 32 vjeç dhe A. P., 28 vjeç, klientë në këtë qendër masazhesh.
Në cilësinë e provës materiale u sekuestruan 6 aparate celulare, shumat 351.000 lekë të rinj dhe 550 euro, të dyshuara të përfituara nga kjo veprimtari e paligjshme”, thuhet në njoftimin e policisë.
LEXO GJITHASHTU:
- Rama: 686 mijë të huaj kanë vizituar Shqipërinë në dy muajt e parë të vitit
- Sekuestrimi i pasurive të Vis Martinaj, Apeli i GJKKO shqyrton ankimin e familjarëve
- Përplasi për vdekje punonjësin e policisë dhe u largua, arrestohet 27-vjeçari
