Zëdhënësi i Policisë: Radari automatik, i instaluar në flotën e re të mjeteve

“Policia e Shtetit është pajisur javën e fundit me një flotë të re prej 10 automjetesh inteligjente, ku kanë të instaluar radar automatik.”

Kështu ka deklaruar zëdhënësi i Policisë së Shtetit, Gentian Mullai në emisionin “Mirëmëngjes” në “Euronews Albania”.

Mullai u shpreh se radari automatik mund të evidentojë shkeljet edhe nëse automjeti i policisë është në lëvizje.

Sipas tij, radari mundëson edhe leximin automatik të targave për automjetet që kanë gjoba të papaguara apo për një seri shkeljesh të kryera.

“Falë një flote të re të automjeteve që na ka ardhur në javën e fundit në përdorim të Policisë së Shtetit, kemi organizuar shërbime me makina civile të cilat janë të pajisura me radar automatik. Makina është në lëvizje dhe radari të konstaton shpejtësinë me lexues automatik të targave, për të gjitha automjetet që kanë gjoba të papaguara apo për largim nga vendi i aksidentit. Pra, për shumë shkelje që ato kanë. Kemi makinën inteligjente poliscan që është një ndohmë shumë e madhe për ne.”

LEXONI GJITHASHTU

• Rreth 40 mijë gjoba për parkim të gabuar në Tiranë në 3 muajt e parë të 2022
• A mund të fiken radarët?! Euronews Albania futet brenda Qendrës së Monitorimit Detar