Zef Hila pas marrjes në pyetje nga SPAK: Dhashë shpjegime për një çështje

Deputeti i Partisë Demokratike, Zef Hila është paraqitur mëngjesin e së enjtes në zyrat e Strukturës së Posaçme Kundër Korrupsionit dhe Krimit të Organizuar (SPAK).

Pas marrjes në pyetje nga SPAK, Hila është shprehur për gazetarët: “Dhashë shpjegime për një çështje nën hetim, në cilesinë e personit që kam dijeni”.

Por kjo nuk është hera e parë që deputeti shkon në instucionin e drejtësisë. Ai u paraqit në SPAK edhe në 21 shtator të këtij viti.

Politikanët dhe zyrtarët e lartë të thirrur muajt e fundit në SPAK:

Më herët është paraqitur në SPAK ish-ministri i Ekonomisë, Genc Ruli për çështjen “Partizani”. Gjithashtu është thirrur në SPAK edhe ish-ministri i Mbrojtjes, Gazmend Oketa.

Për këtë çështje është thirrur në SPAK edhe kryetari i Grupit Parlamentar të Partisë Socialiste, Taulant Balla.

Pranë organit të akuzës ka qenë edhe deputeti demokrat Xhelal Mziu. Ai është thirrur në SPAK për të dhënë deklarimet e tij lidhur me kallëzimin e Rakip Sulit. Kryebashkiaku aktual kallëzoi Mziun për shpërdorim detyre, pasi sipas tij dyshohet të ketë favorizuar subjekte private.

Po më 25 korrik, edhe drejtori i Drejtorisë së Përgjithshme të Transportit Rrugor, Blendi Gonxhe ishte në zyrat e Strukturës së Posaçme.

Ai u shpreh pas dëshmisë në SPAK, se u pyet për një verifikim që nuk ka lidhje me insititucionin që drejton. Gonxhe nuk preferoi të jepte detaje nga çështja, por nënvizoi se është sekret shtetëror.

Më 28 qershor u paraqit në SPAK edhe ish-kryebashkiaku i Dibrës, Muharrem Rama.

LEXONI GJITHASHTU:

• Politikanët dhe ish-zyrtarët e paraqitur ditët e fundit në SPAK
• Akuzat për inceneratorin e Fierit, rrëzohet kërkesa e ish-zyrtares për liri
• Goditet grupi kriminal në Shkodër, 16 në pranga për kultivim dhe trafikim kanabisi