Zeka: Serbia nuk do e njohë Kosovën dhe për 10 vite të tjera

Gazetari Milaim Zeka, ka theksuar se Serbia nuk do ta njohë Kosovën si shtet i pavarur dhe për 10 vite të tjera.

Në një intervistë për Euronews Albania, Zeka u shpreh se Kosovës nga Serbia i nevojitet vetëm heqja e pengesave për t’u anëtarësuar në organizata të tjera.

“Serbia nuk do e njohë Kosovën  si shtet të pavarur të paktën jo dhe 20 vite por Kosova do të anëtarësohet në shumë organizata ndërkombëtare, dhe do të jemi një shtet i madh. Serbia mbase pas 10 viteve do ta njohë Kosovën. Ne si shtet nuk na nevojitet njohja nga ana e Serbisë, por na nevojiten heqja e pengesave që Serbia po i bën për Kosovën, në anëtarësimin në organizata.

Telefonata e Blinken është një sinjal që u dërgohet serbëve, shqiptarëve në Ballkan që SHBA në nivelin më të lartë janë duke u angazhuar rreth mbylljes së kësaj marrëveshje”- theksoi Zeka.

LEXONI GJITHASHTU: 

• Liberalizimi i vizave, Varhelyi: Kosova ka plotësuar pikat, presim diskutime teknike
• A do të jetë njohja e Kosovës pjesë e dialogut në Bruksel? Përgjigjet Lajçak