Zelenski: Objektivi i Ukrainës i pandryshuar pavarësisht njoftimeve nga Rusia

Presidenti ukrainas Volodimir Zelenski tha se qëndrimi dhe qëllimet e Kievit mbeten të pandryshuara, pavarësisht njoftimeve për referendumet e ardhshme në Republikat e vetëshpallura Popullore të Donetsk dhe Luhansk (DNR dhe LNR), si dhe në rajonet Kherson dhe Zaporozhye, raporton TASS.

“Pozicioni i Ukrainës nuk ka ndryshuar për shkak të ‘një zhurme’ nga Rusia dhe partnerët tanë na mbështesin plotësisht në këtë,” tha Zelenski në një video.

Ai deklaroi se “pikëpamjet e Ukrainës janë të përcaktuara qartë dhe të njohura” dhe kjo është ajo që duhet të jetë fokusi.

Zelenski gjithashtu bëri thirrje për “mbështetje më të madhe për forcat e armatosura të Ukrainës, shërbimet e inteligjencës, forcat e operacioneve speciale, Shërbimin e Sigurisë së Ukrainës, Gardën Kombëtare, policinë, rojet kufitare, të gjithë ata që gradualisht po rivendosin integritetin territorial të Ukrainës”.

Ai theksoi se në këtë ka mirëkuptimin jo vetëm të aleatëve, por edhe të atyre vendeve që janë përpjekur të qëndrojnë larg konfliktit që po zhvillohet në Ukrainë.

LEXONI GJITHASHTU:

• Zelensky ultimatum ushtarëve rusë, Ukraina pretendon se po rimerr kontrollin