Zelensky: Jemi komb që prishi planet e armikut brenda një jave

Presidenti i Ukrainës, Volodymyr Zelensky, ka publikuar një video-mesazh mbrëmjen e së mërkurës ku i bën thirrje qytetarëve të vazhdojnë të luftojnë “kundër pushtuesve rusë”.

Videoja e postuar në Facebook mban mbishkrimin: “Çdo pushtues duhet ta dijë se do të marrë një kundërpërgjigje të ashpër nga ukrainasit”

“Ne jemi një komb që prishi planet e armikut brenda një jave – plane që qenë ndërtuar dhe llogaritur mirë ndër vite, me urrejtje për vendin tonë, për popullin tonë, për çdo popull që ka dy gjëra: liri dhe zemër. Por ne i ndalëm dhe i mundëm”, tha Zelensky.

Ai tha se ushtarët rusë që kanë kapur “nuk e dinë përse janë këtu” dhe se tashmë po kthehen në Rusi.

Ai i përshkroi trupat ruse me “fëmijë të hutuar” që po përdoren nga Moska.

Presidenti ukrainas i shprehu mirënjohjen qytetarëve të Melitopolit dhe Konotopit pasi i dolën para dhe bllokuan rrugën trupave rusë.

Zelensky tha se kishte firmosur një dekret për të dekoruar me titullin Hero të Ukrainës 15 ushtarakëve ukrainas, nëntë prej tyre pas vdekjes.

LEXONI GJITHASHTU:

• 38 shtete kërkojnë hetimin e Rusisë në Gjykatën Ndërkombëtare Penale