Zelensky: Luftën e filloi një person i vetëm, paqen duhet ta vëmë të gjithë bashkë

Në Tiranë u mbajt sot Samiti për Ukrainën ku pjesëmarrës janë Presidenti i Ukrainës Volodymyr Zelensky, Presidentja e Kosovës, Vjosa Osmani, Presidentja e Moldavisë Maia Sandu, Presidenti i Serbisë, Aleksandër Vuçiç, Presidenti i Maqedonisë së Veriut, Stevo Pendarovski, Kryetarja e Këshillit të Ministrave të Bosnje-Hercegovinës, Borjana Kristo, Kryeministri kroat, Andrej Plenkoviç.

Në konferencën e përbashkët për shtyp me kryeministrin Edi Rama pas samitit, presidenti Zelensky shprehu mirënjohjen për të personalisht dhe kombin shqiptar për mbështetjen e gjithanshme ndaj Ukrainës.

Ai u shpreh se Ukraina dhe Evropa juglindore duhet të jenë bashkë për t’i siguruar stabilitet rajonit.

“Ne natyrisht mbështesim dhe integrimin e Ballkanit Perëndimor në BE, por edhe ju duhet të na mbështesni në rrugëtimi tonë. Faleminderit për bashkëpunimin dhe vullnetin për këtë samit. Ukraina dhe Evropa juglindore duhet të bashkëpunojnë, duhet të merrni pjesë në samitin global të paqes. Luftën e filloi një person i vetëm, paqen duhet të vëmë të gjithë së bashku”, tha Zelensky.

LEXONI GJITHASHTU:

• Trupa të NATO në Ukrainë? Zelensky: Duam veprime tani, po përballemi me Hitlerin II
• Rama në konferencë me Zelensky: Do të jemi krah Ukrainës deri sa të ndodhë paqja