Presidenti i Ukrainës që ndodhet në Tiranë në kuadër të Samitit për Ukrainën ka reaguar në rrjetet sociale pas takimit me kryeministrin e  Shqipërisë në ambientet e kryeministrisë.

Përmes një postimi në X, Zelensky shpreh mirënjohjen për mbështetjen e Shqipërisë në luftën për liri të Ukrainës.

Ai thekson se gjatë takimit me kryeministrin Rama kishin diskutuar mundësinë e prodhimit të mundshëm të armëve të përbashkëta.

“Që në ditët e para të pushtimit në shkallë të gjerë, Shqipëria ka mbështetur Ukrainën në luftën tonë për liri dhe integritet territorial. Gjatë takimit me kryeministrin shqiptar Edi Rama ne nënshkruam Traktatin e Miqësisë dhe Bashkëpunimit ndërmjet Ukrainës dhe Shqipërisë. Ky dokument do të ndihmojë në forcimin e bashkëpunimit tonë me Shqipërinë dhe pozicionin e Ukrainës në Ballkan. Sot diskutuam gjithashtu nevojat e mbrojtjes së Ukrainës dhe prodhimin e mundshëm të armëve të përbashkëta.

I jemi mirënjohës qeverisë dhe popullit shqiptar. Nuk do ta harrojmë kurrë qëndrimin e ngrohtë të shoqërisë shqiptare ndaj ukrainasve”,  shprehet Zelensky.

LEXONI GJITHASHTU:

• A do i kërkosh Zelenskyt njohjen e Kosovës? Osmani flet nga Samiti për Ukrainën
• Rama ndan pamjet e pritjes së Zelensky-t brenda Kryeministrisë