Presidenti i Ukrainës Volodymyr Zelensky mbërriti mëngjesin e së mërkurës në ambientet e Kryeministrisë ku u prit nga kreu i qeverisë Edi Rama.

Takimi mes dy liderëve zgjati rreth 30 minuta pa praninë e kamerave, ndërkohë që ishte kreu i qeverisë shqiptarë që shpërndau në faqen e tij në Facebook momentet nga pritja e presidentit të Ukrainës në zyrën e tij.

Presidenti i Ukrainës Volodymir Zelensky mbërriti në vendin tonë rreth orës 23:00 të mbrëmjes së djeshme, përmes aeroportit të Rinasit, nën masa të rrepta sigurie.

Sakaq është zbardhur dhe agjenda e ditës së sotme. Pas takimit me Ramën do firmosin marrëveshjet dhe do t’i drejtohen pallatit të kongreseve nga ku në këtë tapet të kuq do të mbërrijnë në Samitin e organizuar nga Qeveria Shqiptare, 13 udhëheqës të 13 shteteve nga Europa Juglindore.

Në orën 13:30 është parashikuar dhe një konferencë e përbashkët mes kryeministrit Rama dhe presidentit Zelensky.

LEXONI GJITHASHTU:

• Zelensky mbërrin në kryeministri, pritet nga Edi Rama
• Samiti në Tiranë, reagon Zelensky: Rama mik i palëkundur i Ukrainës