A do i kërkosh Zelenskyt njohjen e Kosovës? Osmani flet nga Samiti për Ukrainën

Në ambientet e jashtme të Pallatit të Kongreseve, kryeministri Rama ka nisur pritjen e delegacioneve që do të marrin pjesë në Samitin për Ukrainën që do të mbahet në Tiranë.

I pari që ka zbritur në tapetin e kuq është Presidenti i Ukrainës Volodymyr Zelensky, i cili më pas i është bashkuar kreut të qeverisë për të bërë pritjen e krerëve të tjerë.

Pjesë në Samit do të jetë dhe presidentja e Kosovës Vjosa Osmani, e cila pas takimit me Ramën e Zelenskyt, dha një deklaratë për media, duke thënë se Kosova do të jetë gjithmonë në krah të Ukrainës.

“Samiti ka tepër rendësi, pasi do kemi mundësi që të japim të gjithë mbështetjen për Ukrainën duke vendosur sanksione, duke mbështetur qytetarët e Ukrainës, ushtrinë e Ukrainës. Do flasë për hapat konkret që Kosova po i merr në këtë drejtim. Do jemi këtu deri në fitore të Ukrainës”-tha ajo.

E pyetur se nëse do i kërkojë presidentit të Ukrainës, njohjen e Kosovë, Osmani u përgjigj: Këto janë çështje bilaterale, do e bëjmë gjithmonë një gjë të tillë. Ukraina është në gjendje lufte duke luftuar për lirinë e saj.

Përsa i përket se nëse do të ketë ballafaqim me presidentin serb, ajo tha: Gjithmonë kemi ballafaqime me ta për fat të keq sepse ata janë në të kaluarën.

LEXONI GJITHASHTU: 

• VIDEO-LIVE| Rama pret delegacionet e vendeve pjesëmarrëse në Samitin për Ukrainën
• Zelensky mbërrin në kryeministri, pritet nga Edi Rama